Meri duniya chup-chaap, gumsum thi
Shabdon se dosti tumne hi karayi
Chaand ke khwaab nahi dekhe the maine
Sitaaron ki baatein tumne hi batayi
Shahar purana, tumhari tarah tha
Khel pariyon ka nahi tha thamta
Ojhal hote station ko taakti ek ladki
Bataao kahaan se laati lautne ki kshamta
Khushi chahre pe pahli tumhi laaye the
Ghar ab mera tha, mera apna tha
Baarah saal beet gaye nishaan banaate
Poora kiya maine jo tumhara sapna tha
Tumhaare saaye se kabhi door nahi gayi thi
Ab lautna chaahti hoon tumhaare paas
No comments:
Post a Comment